52歲「娛圈好新抱」代夫盡孝親送花畀奶奶　狂講開心說話極識做人

歌手胡蓓蔚與「豹哥」單立文相愛28年，兩人曾上節目分享婚姻之道，指婚姻最緊要有忍耐力，要抗拒引誘。其實除了忍耐力，胡蓓蔚同奶奶相處都有一套。早前單立文帶胡蓓蔚及媽媽到米芝連一星餐廳歎美食，慶祝奶奶89歲生日，胡蓓蔚送上親手送上利是，祝賀奶奶牛一，合照時奶奶又伸手主動拖胡蓓蔚，笑容滿臉，婆媳關係融洽。

昨日（12日）母親節，單立文撞正要開工，胡蓓蔚除了送花給身處上海的媽媽外，亦為奶奶送上母親節花束。胡蓓蔚一身黑色長裙，打扮精緻，可見用心準備。胡蓓蔚攬住紮花影相，笑得極甜。

胡蓓蔚透露奶奶收到驚喜後好開心，她發文道：「母親節正日豹哥要開工 所以我哋決定提早一晚送花比奶奶 估唔到一個小小嘅surprise 都氹到佢老人家好開心 仲有我係上海嘅媽咪 今日一早都經已收到我哋嘅心意 祝天下間所有媽咪都快樂健康 仔女個個都孝順」。嘴巴甜又識做人，果然是好新抱。