陳嘉倩重返TVB做「新聞主播」 櫃底摷返主播衫出鏡：諗住再用返
撰文：林迅景
出版：更新：
陳嘉倩、蔡雪瑩、倪嘉雯、黃嘉雯四位美女主持TVB新節目《美食新聞報道》。節目中陳嘉倩與蔡雪瑩「坐廠」擔任美食報道，而倪嘉雯與黃嘉雯則擔任美食記者負責外訪工作。值。是次為陳嘉倩和蔡雪瑩闊別多年後重回TVB的首個節目，所以未播出就已引起網民討論。
陳嘉倩和蔡雪瑩接受《香港01》訪問，蔡雪瑩坦言有幕後writer接洽邀請她擔任主持，而陳嘉倩則表示受到節目監製邀請，兩人對於再度與TVB合作就表示十分懷緬，問道將來會否合作時，蔡雪瑩回答：「如果將來有監製睇得起，絕對可以嘗試。」陳嘉倩也說：「因為我哋身分好被動，因為佢哋都有好多美女主持，其實佢哋有需要，有機會嘅話，我哋又適合嘅，都可以搵返我哋，哈哈。」蔡雪瑩笑言：「你係一個好被動地又好主動出擊，好犀利。」
談到重回TVB的感覺，陳嘉倩也表示十分懷緬，她說：「今次返嚟，特別係好似主播形式，以前都係（主播）。我尤其係搵返以前嘅主播衫。因為啲衫已經收返咗喺櫃入面她深嘅位置，今次就專登搵返晒出嚟，諗住再用返。」蔡雪瑩補充說：「因為嗰一段係我哋青春時光。」