張致恒老婆雯雯驚爆與媽媽脫離母女關係　稱對方只係債主

張致恒（Steven）與老婆區燕雯（雯雯）向來話題十足，繼早前自爆被Cut電，無奈下在網上行乞，雯雯今日（30日）又坦言與媽媽斷絕關係！雯雯留言：「我發現好多人會關心我媽媽有冇幫過我，有，咁多年一定有，但依家大家嘅關係都只係一個債主同借款人。大家已經斷絕咗關係，所以佢冇必要幫我任何嘢，甚至照顧小朋友。大家各自都有大家嘅生活，都冇必要再扯上任何關係，再加上我有『網絡乞丐』呢個稱號，其實都冇必要影響任何人。所以我依家嘅生活，就只有我的家庭，所以希望大家唔好再問我！」

其實雯雯早年同母親關係正常，當年她與張致恒奉子成婚時都係由其母親任證婚人，早年雯雯亦提及媽媽有幫手照顧小朋友，不過近年大多數都係自稱獨力照顧。