75歲顏國樑年初曾昏迷15日 老婆霍潔貞親述搵師傅「續命」
撰文：洪曉璇
出版：更新：
曾於TVB經典處境劇《香港81》飾演「陳積」，現年75歲的顏國樑，2022年自揭患上第三期鱗狀細胞癌導致聲帶失去低音。近日與闊別螢幕30年的太太霍潔貞，罕現身受訪，講述年初走過鬼門關一事時仍猶有餘悸。
顏國樑精神比以前氣色好，接受化療及免疫治療後，今年一月初又遇癌症復發，昏迷留院半個月險入鬼門關。顏國樑與太太霍潔貞罕有合體現身，擔任梁思浩節目《直播靈接觸》嘉賓。顏太霍潔貞曾當藝人但息影近30年，近年一直陪伴老公對抗病魔。回想當日顏國樑入院：「嗰陣入去已經昏迷要搶救，搶救十幾分鐘後醫生話情況穩定啲，但隨時會再惡化轉差，要送去加護病房。」
梁思浩指回憶年初得知顏國樑出事：「嗰15日真係生死邊緣，你真係要多謝太太，真係令我好感動，佢周圍去拜託人希望你生存續到命。係佢嘅功德，所做嘅一切畀你返嚟。」
事後護士也說好危險，她說只要3分鐘內救不到就會死。原來在藥石無靈階段，顏國樑彌留之際，太太毅然請師傅「續命」，顏太指：「佢好困難吸緊純氧，每一秒都好用力、好辛苦呼吸，好似隨時會停止咁，心情真係好驚。去咗濟公廟誠心求拜，同埋拎佢平時寫嘅心經去化咗佢。」