范莎莎外國打過5年校際籃球比賽周身傷：佢哋會起踭打人
撰文：吳子生
出版：更新：
亞姐范莎莎（Zaza)今日（29/4）現身荃灣出席《中國香港國際籃球邀請賽2024》記者招待會。Zaza接受《香港01》訪問時表示：「你唔好睇我咁細小嘅身軀，其實我以前喺外國讀書嘅時候，係學校嘅籃球隊嚟㗎，你唔好睇我哋啲女仔打籃球，打起上嚟仲狼死嗰啲男仔。就好似咁，好多外國嘅女仔嘅身形，係我兩個人咁大，佢哋埋身搶波嘅時候，佢哋係故意『抽水』，會起踭打人，試過我個朋友係俾佢哋打到隻眼瘀晒。不過我就唔會因為咁會俾佢哋嚇怕咗，反而我就更加唔會妥協，因為我個人比較粗生粗養放膽啲，變咗玩咩運動我都係唔會點錫身周身傷，雖然校際籃球比賽一個獎項都冇，但都玩得好過癮。」