張曦雯否認與莊思華男友告崇恩拍拖：是100%朋友

近期被TVB兼被網友力捧的女神張曦雯（Kelly），日前就被影到密會著名練馬師告東尼兒子告崇恩，疑似有新戀情。而男主角告崇恩與女友莊思華拍拖多年，女方經常在Instagram上載放閃照。對於今次的緋聞Kelly在接受《香港01》訪問時就極力澄清，「是100%朋友，佢完全唔係我嘅type，有女朋友有老婆嘅男人都一定唔會係我嘅type。」Kelly指當晚是與一大班朋友食飯，而告崇恩的女友莊思華因有事在身才缺席飯局。

問到日後與男性朋友食飯時會否有所避忌？Kelly笑言不會，「我會繼續過正常生活，繼續約friend食飯。」她透露現時正為明晚的回歸表演做綵排，而7月中將與馬德鐘及何廣沛合作拍新劇《跳躍生命線》。其實近年Kelly都不時傳出緋聞，例如2014年則與徐肇平合作拍節目而傳出戀情，當然兩位當事人否認，直到現在都是維持好友關係。點都好，Kelly咁靚女，有拖拍都唔奇啦！