逆天奇案2｜新人梁筠苓演年輕版梁小冰 首個角色就演喊戲︰好驚
撰文：吳子生
出版：更新：
在無綫電視劇集《逆天奇案2》中，飾演梁小冰年輕版的梁筠苓，今日（23/4）現身劇集宣傳造勢活動。梁筠苓接受《香港01》訪問時表示：「其實呢個角色係我加入公司嘅第一個角色，起初接到係好興奮同埋好緊張，但當收到劇本之後，我係好驚。因為我未拍過喊戲，亦都對啲感情戲冇乜經驗，變咗我每日都返屋企做好多功課，熟讀劇本同埋去感受一下角色嘅遭遇背景，令自己去感受失去親人同被人背叛嗰種感覺。」
被問到如何點評自己的演技？梁筠苓笑言：「其實拍嘅時候都係一年前，而家睇返發覺自己原來有好多嘢都可以再做好啲，尤其嗰陣時嘅自己塊面係好包好肥，自己睇到都認唔到嗰個係自己。不過媽咪就睇到眼濕濕，仲話估唔到我識得拍喊戲。」