前港男吳雲甫一擊即中再做爸爸　大讚「茹素力量」：真係得嗰一次

現年42歲的吳雲甫曾在加拿大加入陸軍當兵三年，直至2009年回流香港參選港男入行。日前本要出席金像獎，因太太不適而缺席，未料到原來是好消息，太太再度懷孕了﹗

吳雲甫2020年疫情下與瑜伽導師女友結婚後育有一女，4月18日一家三口拿著超聲波照，宣布家中將添新成員更大讚是「茹素的力量」：「老婆jackie之前唔舒服係咁嘔，上個禮拜佢仲發燒要陪佢去睇急症，趕唔切去金像獎😆搞事嗰個就係相中呢個小朋友～ 七個月後我會捉佢同大家見面㗎啦。而Nei 小姐對於自己唔小心就嚟做家姐表示興奮～冇錯，呢個係一個唔小心嚟嘅～ 有睇過 Netflix 《the game changers》可能會記得裏邊有提到茹素會令到心臟血管通順啲勁啲，sex drive 都勁啲，咁咪試吓囉～ 結果一次中咗。 🎯我哋咁肯定係因為真係得嗰一次～ 電視節目，終於有一次係冇呃人～👍🏻」