仙樂飄飄｜黃妍輸最佳原創電影歌曲唔失望　一講吳慷仁即少女心

音樂劇《仙樂飄飄處處聞》香港站今晚（18日）揭開序幕，黃妍（Cath）與小塵埃齊齊捧場。Cath接受訪問時表示只睇過電影版，所以得知有音樂劇版本時，決定一定要感受一次現場氣氛。「因為自己好鍾意睇音樂劇，之前去英國做嘢都一定要預留時間睇音樂劇。如果有得挑戰就更好，因為音樂上我真係好少say no。」

電影《白日之下》主題曲《日光漂白》獲提名金像獎「最佳原創電影歌曲」，身為主唱嘅黃妍表示為行紅地毯練足一個月，最後為安全計，揀平底鞋。「唱歌都好緊張，想話我見到吳慷仁，我搵佢影相時都忍唔住話好緊張，因為一陣要唱歌，佢用廣東話同我講『唔好緊張』，我真係融晒、好開心。」對於失落獎項一事，黃妍認為能夠唱主題曲、甚至在金像獎上邀唱已經十分足夠。