宋宛穎進修婦產科勁dry 被問大學有冇追求者無奈地咁答
撰文：張祖銘
出版：更新：
宋宛穎今日（18日）出席《早D知早D醫》記者會，宋宛穎接受《香港01》表示：「節目裏面有好多新介紹嘅技術，同埋我自己都未見過嘅儀器，我而家學緊嗰啲諮詢係好少嘅一部份。」她繼續指訪問一個治療乳癌的醫生才知道男士都有可能患上乳癌，並表示：「機率係低啲啫，但男士都要做乳癌嘅檢查。」
講到現時就讀香港大學醫學院修讀碩士課程情況，她說：「我每個禮拜都要返三至四日，我就係攝時間出嚟拍攝，要兩邊兼顧，朝頭早就要拍攝，夜晚就要返學，今晚仲有個測驗。」被問到幾時畢業，她說：「今年七月八月就會讀完，如無意外都會計劃讀博士，但我喺度搵緊最啱嘅時候。」她透露博士課程需要讀四年。
提到在求學期間會否有男同學追求，她笑說：「婦產科多數係女仔，得兩個男仔，但係冇特別，我諗嗰兩個男仔都係有女朋友。」她指拍拖就順其自然。