吳若希一個月內兩遇小偷　唔見電話失珍貴照片連食物都被盜？

出外要小心保管個人財物提防扒手，可惜有時真的防不勝防，吳若希上月在灣仔被偷電話後，近日竟再遇小偷認真黑仔﹗

3月24日吳若希發文指自己在灣仔被偷電話，經追蹤竟發現「佢喺將軍澳出現過！」與當時身處TVB的吳若希只有一橋之隔，可惜最終未能覓回電話。4月16日她又發文，更在社交網公開拍得賊人畫面的閉路電視片段：「我今年條命係咪要keep住畀人偷嘢？今次影到邊個偷～來回兩次先嚟攞走...Any肥（無論如何），希望幫你過咗呢個難關先，祝你食得開心。」

吳若希祝小偷「食得開心」，原來被偷的竟是：「今次畀人偷嘅嘢比較特別，係價值$200嘅栗子！尋晚最唔開心嘅，唔係畀人偷嘢～係食唔到自己心心念念嘅栗子！直到我第二次再叫外賣，食完個栗子之後，我就原諒咗嗰個人～正所謂，識英雄重英雄～難得有人同我一樣咁喜歡吃栗子！我已經當自己請佢食啦！」