92歲黃夏蕙宣布月尾搞最後一場派對 交代後事：遺體捐醫院
撰文：鍾路淂
出版：更新：
黃夏蕙現年92歲，舉止貼地深受網民歡迎被封「夏蕙BB」。22年曾移民美國生活，近日回流香港。近日她拍片表示，將「舉行最後一場派對」令網民紛紛表示擔心。
夏蕙BB先後誕下四子三女，定居世界各地。日前她在社交網上載43分鐘片段，在片中宣布將於4月28日舉行最後一場派對：「最近我覺得身體狀況明顯下滑，好想同外國嘅仔女，一齊影張合照，好心同大家分享，隱藏係心入邊嘅一啲說話。希望仔女能夠見我一面，因為時間無多，因為我都已經係90幾歲，我呢個慈善基金「夏蕙之家」都要交俾有緣人去做。」
黃夏蕙一直由得仔女「仔大仔世界」：「大咗，好少見，個個都有自己生活，我好放心，佢哋搵到自己鍾意嘅嘢。」她坦返自覺從來不怕死亡，但因為已經90幾歲，黃夏蕙指自己開始擔心做唔晒想做嘅事，更在片中交代後事：「呢一年覺得自己有心無力，可能因為年紀太大。百年歸老之後唔會火葬，將遺體送晒俾醫院，俾人做有用嘅嘢。」