「你係咪嬲我呀」熱爆全網　小學辯論賽男女主角去向曝光

「你係咪嬲我呀」熱爆全網，一段近13年前的小學辯論比賽片段出土，以「香港兒童真幸福」為辯題，當中反方女生出其不意以一句反問嚇窒全場，而反方一隊女學生近況亦曝光。

2011年第五屆聯校小學辯論比賽冠軍賽，由油麻地天主教小學（海泓道）擔任正方，協恩中學附屬小學則為反方，以「香港兒童真幸福」為辯題輪流發表論點。在自由辯論環節油天陳同學發言後，協恩一位女生反駁：「友方同學我哋辯論成日等唔等於我哋幸福呀？」她突然問道：「友方同學，我答完你到你答我，你哋係咪嬲我呀？」

被嚇到O咀的正方同學反應極快隨即反問「今日我嬲唔嬲你，同呢個辯論比賽有乜嘢關係呀？」反方的女生不依不饒，繼續追問「你究竟嬲唔嬲我呀？」男生則情緒激動地強調：「我哋不如做咗正經嘢先，而家打辯論比賽，唔好玩啦」，並繼續陳述自己的理據，贏得全場掌聲。有指曾任教協恩辯論隊的老師指，當年片中女生已成為律師，至於片中男同學有網民則留言透露「個男仔已經移咗民」。