李家鼎戴金鋼名撈盡顯身價　工作不言休：得閒就陪吓啲孫

李家鼎和劉穎鏇今日（11/04）出席《FIBA 3x3 巴黎奧運資格賽》活動。李家鼎接受《香港01》大讚現場小食攤位佈置整潔，說：「有啲平民啲，有啲high啲，好似大排檔咁。」談到食物，一定會想起鼎爺的私房菜，他自言一定有水準，說道：「全部都係我同partner做，睇過先出，唔係話冇reject，但係一定有個水平！」

早前李泳豪的旺角燒肉店結業絡業轉租，鼎爺說：「好耐嘅事啦，睇吓點啦，我都唔點答。」

鼎爺表示近來忙於劇集與綜藝節目拍攝，閒時就會享受天倫之樂，陪孫仔。講到與家人的事，鼎爺的臉上就露出一副慈祥爺爺的模樣。他說：「好悶㗎退休！都唔使話退休嘅，得閒就陪吓啲孫。周時都有（飲茶），有有有，『爺爺我哋去飲茶囉』我話：『好，邊日邊日。』」

鼎爺也表示，平時也會親身下廚煮飯好餸給孫仔食。問到會否傳授孫仔廚藝時，鼎爺就表示他們年齡尚少，未識煮餸。孫仔長大後會不會教？鼎爺就回答：「佢有興趣咪教，佢冇興趣都冇用㗎。」