黃美棋低胸婚紗勁吸睛 準老公鍾健威超讚嘆：直頭係加零一
撰文：吳子生
出版：更新：
黃美棋今日（6/4）與拍拖11年男友鍾健威（Ray)結束愛情長跑，並於西貢五星級酒店筵開35席舉行婚禮。並廣邀圈中好友一同分享喜悅。下午4時半，一對新人現身會見傳媒。而美棋身穿貴麗開胸長裙，加上巨型鑽石婚戒相當貴氣逼人。
美棋受訪時笑言：「其實今日呢套婚紗咁性感唔係有心嘅，因為我揀婚紗都用咗一個月嘅時間，咁呢一套只係用嚟見你哋啫，而揀婚紗方面係有好多選擇，變咗我就諗着婚紗係一生人都只係着一次，冇理由唔換多啲㗎，計埋今朝嘅裙褂我係揀咗8套衫，咁所以我就挑戰自己嘅極限，就揀咗呢套，令我發現原來婚紗好鬼難着，咁所以今晚我就揀咗呢套，呢套真係好靚。」Ray甜蜜回應：「我睇到，而且大家都睇到，而我都係今日第一次親眼見到佢着，因為之前佢有畀過啲相我睇過有，但就好多唔同款嘅。而家佢呢套婚紗，我會畀一百零一分佢，直頭係加零一呀！」