竇靖童闖樂壇罕有開腔談母親王菲　直認有包袱感壓力：平時好少傾

竇靖童昨日（28/3）現身尖沙咀鐘樓出席「梵高•樂印」開幕典禮。竇靖童透露會上台表演唱3首歌，表示心情難免會比較緊張。被問到在音樂方面會請教媽咪王菲？靖童表示：「好少會問。（點解唔問？）因為平時好少會傾呢啲，嚟近我會出專輯，反而我想做完晒之後，先俾佢聽。如果佢聽完之後，佢就會同我講，我比較怕羞啲。（媽咪之前係有俾意見你？）佢會畀好大自由度我，佢唔會干涉我創作嘅嘢。（媽咪算唔算你學習嘅對象？）當然。我係好欣賞佢嘅音樂。」

被問到母親貴為歌壇天后，會否為你造成壓力？靖童深呼吸一口氣說：「我覺得呢樣嘢係blessing，佢有佢嘅好處，同埋有佢嘅壓力嘅地方，但我覺得係一件好事嚟。（爸爸竇唯有冇畀意見？）佢俾好大自由度我。（心目中爸爸和媽咪邊個惡啲，管教嚴啲？）其實兩個人性格唔同，所以都唔會比較呢樣嘢，我覺得佢哋兩個係獨一無二嘅個體。」