前TVB一線小生激罕現負評　黑面宣傳被投訴：感覺脾氣不太好

現年60歲的「師奶殺手」陶大宇拍過《壹號皇庭》、《刑事偵緝檔案》一系列經典電視劇，近年因翻唱劉德華歌曲《倒轉地球》爆紅，不時出席商演活動，賺到盆滿缽滿。陶大宇去年12月出席品牌活動，哄到在場闊太如癡如醉，相當識做。

在內地人氣穩定的陶大宇，近日竟激罕出現負評？日前陶大宇前往江門市，現身一間餐廳宣傳。陶大宇一身輕便打扮，走出門外與粉絲打招呼。然而相中陶大宇臉無表情走出門外，塊面「燶燶哋」，粉絲在餐廳內影的自拍照中，陶大宇同樣亳無表情。

發文網友投訴指，「陶大宇過來江門飲豬腰湯都冇唱歌 沒有唱歌 失望咯」有人留言問：「唔係過來表演的嗎？只是吃飯？」發文網民回覆道：「就係囉，都唔上才藝」；另有人指：「唱下唱下倒轉碗湯就不得了」，發文網民回覆道：「哈哈哈，感覺脾氣不太好」。不過從另一段片可見，陶大宇笑容滿面走出門外與粉絲打招呼，相當熱情，相信只是網友個人意見。