馮盈盈嗲扮李一桐　做港產黃蓉有無得諗？

今日無綫四位藝人馮盈盈(Crystal)、岑杏賢、丁子朗和翟威廉出席《新射鵰英雄傳》的宣傳活動，雖然這套劇並不是無綫自己出產，不過都肯用資源去幫它宣傳，認真賣力！四人在台上大講自己最欣賞的英雄人物，馮盈盈是黃蓉，丁子朗是郭靖，翟威廉則是楊康，都是《射鵰英雄傳》裡面的人物，但是岑杏賢就表示自己欣賞的是神奇女俠，好像有點離題喎！

當然，無綫的宣傳又怎會只是上台吹吹水就完事，一定會有一些遊戲讓藝人們歡愉一番，甚至會和台下的觀眾互動，大派禮物就人人開心喇！第一個節目就是叫些台上的小朋友上來大擺Pose，在一眾大哥哥大姐姐幫手之下，都真的是似模似樣。第二個遊戲是四位藝人分成兩隊，要用兩對手將汽球擠爆，比喻為武俠小說的比併內功，真的是虧無綫想得出這麼有創意的啅頭。當Crystal要跟丁子朗要合力將汽球弄爆的時候，只見子朗不斷用力向Crystal方向「揸」汽球，未知Crystal是被子朗的內功所影響，還是怕汽球爆，見她面上不停出現掙扎的表情，嚇得花容失色，好像怕子朗的手會不小心向前衝。

今次宣傳的是《新射鵰英雄傳》，那麼藝人們應該對該內容情節有一定的熟悉程度才正常吧？不過其實並不如此，翟威廉就表示其實自己並沒有看過該小說，只是看過它的電影，不過因為自己有玩過電玩《金庸群俠傳》，所以對一些金庸筆下的人第都有一定的認識。他在台上時表示自己欣賞的角色是楊康，那麼其實他究竟知不知道楊康的老爸是誰呢？在接受《香港01》訪問時他說：「楊康呢，我覺得佢係認賊作父，佢老豆係金國皇帝，但係楊鐵心先佢係親生老豆。我鍾意楊康呢個角色係因為佢夠人性化，尤其是佢嗰個掙扎，究竟放唔放棄到榮華富貴呢。作為觀眾梗係覺得唔得，一定要係俠義心腸、正直，但係有時候我地都要考慮吓，如果呢個情況真係發生喺自己身上又做唔做到呢？呢個就係我鍾意楊康呢個角色。如果我係楊康，站在觀眾立場梗係想佢行使俠義，返去宋國。但真實上你係邊度土生土長，你好難去改變，所以繼續留喺金國都唔出奇。」

至於Crystal就表示自己想做黃蓉這個角色，因為角色有個好爸爸，跟自己十分相似。那麼她又對該小說熟唔熟悉呢？她說：「小說有睇呀，而家播緊嘅電視劇都有追，而家呢套係我第一次睇嘅電視版本，我知道之前有啲再經典啲嘅，我諗我睇完呢一套會追返之前啲版本。（揀楊康定郭靖做男朋友？）我諗都係揀返啲腳踏實地（郭靖）嘅會比較好，雖然楊康有錢，但係會賣國，姐係隨時會背叛身邊嘅人，有啲唔可靠。我都唔係貪國啲咩大富大貴，佢腳踏實地安安穩穩就好喇。」記者問了她幾條關於小說的問題，她都答得出個大概，只是可能未必講得出角色名字，算係咁喇！