婚後事｜「分手砲」親身上陣無替身 陳自瑤讚羅子溢：真係老手
撰文：洪曉璇
出版：更新：
TVB劇集《婚後事》轉眼間來到大結局，劇中金句連連，加上多場多場激情戲引起觀眾熱烈討論。一眾演員擔任《Mayanne小喇叭》嘉賓時，女主角陳自瑤親爆與羅子溢床上戲未有做安全措施，相當大膽﹗
劇中關係錯縱複雜，羅子溢、陳自瑤、黎諾懿、賴慰玲、王敏奕幾位都各自有激情戲份。當中首任女一的陳自瑤完全豁出去，在節目中親解與羅子溢上演「分手砲」時情況：「無替身架全程親身上陣，真係我嚟架。（有無痴膠紙做做安全措施遮蓋私人部位？）有做安全措施嘅，現場咁多工作人員。」
陳自瑤更不停大讚羅子溢「係老手！」：「成日同導演講我好幸福，佢呢方面真係高手，點解呢？因為佢帶得我好好，未嗌Action之前，我哋就已經開始培養緊嗰種感覺，即係冇理由一嚟就可以好纏綿，一定要時間醖釀，先會流暢。其實拍攝嗰陣成程都播住音樂，如果冇音樂，周圍又咁多人，成件事可能就會好生硬，我哋要好投入、好纏綿，其實好難㗎。」