中年好聲音2｜楊千嬅任決賽評判惹熱議 周啟生：完全冇水平
撰文：洪曉璇
出版：更新：
TVB選秀節目《中年好聲音2》進入最後階段，3月24日晚7強選手安雅希、陳俞霏、黃劍文、譚輝智、古淖文、顏米羔、沈宗賢，將競逐冠軍寶座。大會宣布決賽邀久未在TVB露面的楊千嬅擔任評判，引來網上激烈討論，連樂壇前輩周啟生都發文回應。
周啟生留言：「一個唔係作曲家，唔係編曲家，唔係音樂人，唔係綜藝科監製高層，同音樂並無其他關係，只係一個人人都認為唱歌唱得唔好嘅女歌手，擔任一個唱歌比賽嘅評判。有人撐佢認為做呢個唱歌比賽評判，係唔需要唱歌唱得好，我想問呢個係乜嘢偉大精警邏輯？係唔係孕育一個新香港去接受一啲完全冇水平嘅嘢？#無恥嘅人永遠無恥 #衝出嚟維護無恥嘅人至尊無恥」