陳惠敏因換髖關節需依靠拐杖行路 自爆難以戒煙：啲人鍾意俾煙你

現年80歲的陳惠敏今（16日）現身亞洲電視出席《第一屆夢之聲歌唱比賽》，手持拐杖的他精神不俗，接受《香港01》訪問時更中氣十足，仍然有大哥氣勢。

近年身體多處出現不適的他，在接受訪問時就表示目前因髖關節問題，所以這一段時間需依靠拐杖輔助：「依家等復原慢慢復原， 因為我上兩個月換咗髖關節，起碼要等半年先可以行得，所以依家揸住支柺杖行。（生活上好唔方便？）梗係有啲唔方便，行路慢啲，起碼要等半年，成個骨痛就唔痛，成個關節換咗，（使唔使成日復診）唔使，換咗個金屬，（飲食上使唔使注意？）唔使咩戒口，行多啲等佢（腳）習慣吓。」

續問到會不會減少幕前演出時，他就二話不說：「有，不過我都退休囉，有時啱嘅就客串吓，唔使打嗰啲咪係囉。（依家仲有冇食煙？）戒唔到，食少啲囉，（有冇話嘗試戒過？）有戒過，但啲人鍾意俾煙你食，你唔食都掉埋你（一日食幾多？）一包到。」其受訪時有問必答，非常和藹可親，相當親民。