不正常愛情研究所｜越南通嘉俊爆交友驚魂 公園撞正露體狂阿婆
撰文：林迅景
出版：更新：
J2節目《不正常愛情研究所日》最新一集邀請了越南旅遊達人講恐怖交友經歷。「越南通」嘉俊在節目上大爆「一個奇遇」，簡直是既寫實又恐怖。
「越南通」嘉俊說：「有種apps呢，成日都話你附近有啲咩人。我識咗個人，咁嗰個人呢，成日都話約我出嚟嘅，成個禮拜係咁叫我出去，佢張相好靚嘅。基於好奇心底下，我為咗我自己安全，我就話不如我哋去公園，我就喺張長櫈嗰度坐，咁跟住呢...」恐怖的事情出現了。
嘉俊續說：「（出到去）就遇到有個着大褸嘅阿婆，化咗個白面妝嘅，咁佢行埋嚟對住我笑。我咪禮貌上同佢笑囉，跟住佢就show佢手機畀我睇，係我嘅聯絡躍呀！跟住我微微笑一笑，跟住佢突然間打開件大褸喎，裡面乜都冇㗎喎。」黃紫恩不禁問道：「阿婆嚟嘅？」嘉俊回答：「阿婆嚟嘅，佢向左走又向右走，好似麻鷹捉雞仔咁樣。」黃紫恩又問：「點解唔睇啫？」嘉俊回答：「唔好睇呀嘛！」