金庸年誕辰紀念｜「令狐沖」呂頌賢打破坊間傳聞 爆角色一早排好
撰文：吳子生
出版：更新：
90年代憑金庸劇《笑傲江湖》飾演「令狐沖」一角而為人熟悉的呂頌賢，
今日（15/3）現身中環愛丁堡廣場出席《俠之大者-金庸年誕辰紀念》活動。呂頌賢接受《香港01》訪問時表示：「其實我能夠演出令狐沖呢個角色，對我嚟講係一個好大嘅榮幸，同時我好努力做好呢個角色，不負眾望成為大家嘅經典，真係好多謝咁多年嚟，大家一路咁支持我。」
被問到當時選角是否競爭很大？呂頌賢表示：「其實我好記得係陳浩民拍先，然後跟住古仔（古天樂）嘅《神鵰俠侶》，然後到我嘅《笑傲江湖》，再跟住就係小春（陳小春）嘅《韋小寶》，其實就係咁一路排落去，就唔係坊間傳聞所指話本身係邊個做咁。（演呢個角色需唔需要畀金庸過目一下？）咁又冇咁嚴重，就算要過都係過咗上層先，過濾晒之後到我哋。」