39歲一線花旦闊別4年計劃復出　瘦到胸前見骨露口風︰想出吓門口

現年39歲的岑麗香自從榮升人母後就減少幕前工作，對上一部劇已是2021年播出的劇集《寶寶大過天》，不久便宣布已懷第二胎。最近，她再次出山接拍廣告，久未露面的她仙氣不減，不論鏡頭前後狀態都係咁Fit，不過未知是否湊小朋友太辛苦，岑麗香幾乎瘦到見骨。她接受TVB《娛樂新聞台》訪問時就稱因早前天氣好凍不慎病倒，之後就連日食粥好清淡，不用減肥都自然瘦下來。

岑麗香一對分別5歲同3歲的兒子都已由加拿大返港，做了全職媽媽一段長時間，她更透露開始計劃復出幕前，並吐露口風話：「我都想出吓門口，做返啲自己鍾意做嘅事，近期都有收到劇本，自己呢幾年做嘅嘢好唔同，可以有新挑戰。」