潛行|劉德華找40年前「鵰兄」再合作 孖大︰一齊吊威也打餐飽
撰文:許育民
出版:更新:
電影《潛行》由劉德華監製及主演,將於1月11日上映,今次是一部罪犯動作電影,戲中不乏動作戲,而華仔亦找來一班老朋友客串當動作演員,既念舊亦重情重義。其中一位叫孖大的前輩,原來正正是1983年版《神鵰俠侶》中飾演鵰兄,當時可謂與華仔上山下海,出生入死,由朝拍到晚。
劉德華於1981年藝員訓練班畢業,未幾已有機會做主角,飾演《神鵰俠侣》的楊過,成為電視劇嘅經典。今次拍攝《潛行》,無意中與劇中的鵰兄相遇,另外兩位前輩大哥張華及財哥,原來都有跟劉德華合作過。
拍攝當日,劉德華並冇相關戲份,但身為監製當然親力親為在拍攝現場出現,並與幾位相識多年的龍虎武師、動作演員談起舊時。其中孖大算是跟華仔合作最耐。孖大︰「佢未紅嗰陣,我哋一齊開工喺路邊食飯,最記得嗰時喺電視台拍《神鵰俠侶》,我就做隻鵰,日頭一齊喺外景吊威也打餐飽,夜晚入廠一齊做文戲,我好記得。」
+1
另一位叫財哥,算是跟華仔合作時間最短,但都由電影《刀劍笑》(1994)開始合作︰「唔知點解成日畀佢打,哈哈……我同佢拍過《刀劍笑》,最困難嘅一部戲,最辛苦,你問番佢就知。佢好好記性,打一套動作,佢九成都記得番晒。」幾位又讚劉德華Keep得好好,不過華仔都大讚幾位仍然活動十足︰「佢哋大過我都仲咁後生。」