Jeffrey魏浚笙參演內地偶像劇賺人仔? 姊妹作被封純愛劇天花板
撰文:林得懿
出版:更新:
趙露思、陳哲遠主演嘅大陸劇《偷偷藏不住》改編自網絡小說,兩人分別飾演「桑稚、段嘉許」,去年播出後,兩位主角人氣爆燈,而該劇更被封為「純愛劇天花板」。
該劇姊妹作《難哄》近月開拍,由頂流白敬亭搭檔章若楠,日前劇組更在香港完成取景後,全劇正式殺青。由同劇演員季鵬上載嘅照片所見,赫然發現Jeffrey(魏浚笙)蹤影,手持花束企喺女主角章若楠旁邊。據網上流傳嘅劇組通告顯示,Jeffrey飾演阿森一角,但原著中並未有呢個角色,再加上《難哄》劇組在港拍攝不到4日,Jeffrey好大機會員只係客串。