追星族是毒？宅？腦殘？ 「我覺得青春的一部分值得獻給追星」
一聽到追星，你有甚麼感覺？可能你會覺得這沒有問題，或者覺得無聊、是小朋友的玩意。其實追星到底是怎麼一回事，你有了解過嗎？
【點擊「全螢幕」觀看影片】
追星族一向給人負面的感覺，
經常被外界的人批評幼稚、
只懂得花全盤精神、
時間和金錢到明星上，
根本就不值得又沒有意義。
別人可能覺得追星行為匪夷所思，
但對於追星族來說，
無論為了追星要捱更抵夜、捱凍捱熱......
這些都是十分值得和很享受的過程，
因為只要辛苦過後見到明星一面，
即使只是看到一眼這樣小的回報，
便已經心滿意足。
追星族的內心世界，又有誰懂？
追星瘋狂事
Phoebe自中2開始追星，
到現在23歲追了差不多9年。
她由東方神起、Super Junior追到EXO，
3隊都是SM Entertainment的男團，
是忠心的「SM飯」。
而阿俊約8年前開始追星，
由少女時代開始到現在Twice，
全心全力追了Twice兩年，
他說：「依兩年係我追得最瘋狂嘅時間！」
飛韓國25次花費6位數字
以前讀書的時候喜歡少女時代，
阿俊的空閒時間和金錢不多，
未曾飛到韓國追星，
只可以看她們來香港的演唱會，
最多只會為了有最佳位置而通宵排隊。
到畢業後他的時間和金錢比較彈性，
不知道是否要一併追回以往的份量，
在追Twice的短短兩年來，
阿俊去了韓國25次並約花了6位數字！
「試過禮拜5夜晚收工上機，
到去韓國已經禮拜6零晨啦，
之後星期日夜晚10點搭返飛機走，
即係留咗喺韓國得1日多少少時間，
純粹用咗黎追Twice。」
他又試過為了看Twice出席音樂節目做嘉賓，
「碌盡人情牌」找同事頂更，
來回乘8小時飛機去韓國，
換來看到Twice表演10分鐘唱了2首歌。
【大碼女生】肥不能當歌手？90後街頭歌后：就算肥都有人聽我唱歌
為了Twice他勞勞碌碌不斷飛韓國，
飛到朋友看到他也會笑說：
「咦你又返黎香港working holiday呀？
唔係住係韓國架咩？」
連自己也試過感到混淆，
「張開眼瞓醒嘅時候，
心諗『咦！點解我係喺韓國嘅？』
直頭忘記咗搭飛機嗰段時間。」
飛韓國做甚麼呢？
看音樂節目、簽名會、演唱會等等，
總之就是跟著Twice的行程。
除了花精神和時間還很「燒錢」！
「依兩年追星嚟講應該有用咗6位數。」
除了相機用了3萬元左右、機票住宿、
還有一樣最花錢的是買碟！
為甚麼？買碟不是買一隻留念就可以嗎？
非也！買碟之意原來不在碟，
而是碟中的簽名會門票！
簽名會門票是買碟隨機抽中的形式，
即是你買得愈多碟機會就愈大。
「買得最多碟嘅一次係買左80隻同樣嘅碟，
嗰到大概用咗8000蚊港幣去一個簽名會。」
雖然付出了很多又很瘋狂，
但阿俊卻得到了從來沒有想到的收獲，
就是Twice的其中一名成員彩瑛不只認得他，
還替他改了個花名叫「Cider Oppa」。
事源有一次簽名會的前一晚，
阿俊在Twice公司附近的便利店內，
偶遇彩瑛然後交談了幾句。
第二天簽名會的時候，
阿俊重提此事發現彩瑛居然有印象，
還記得他當時買的是Cider，
於是便幫他改了Cider Oppa這個名字，
以後簽名會見面彩瑛都會這樣叫他。
【另看】中學同學變閨蜜 Anna淚崩：慶幸認識Gemma願一起friend到老
偶像記得自己 開心過中六合彩
而最窩心的一次就是，
「有次我因為唔得閒無去韓國簽名會，
但係我就有朋友去咗嘅，
然後當朋友同彩瑛講自己嚟自香港嘅時候，
彩瑛竟然主動問佢識唔識Cider Oppa，
問佢我有無嚟。」
阿俊知道後十分驚喜，
「有一種開心過中六合彩嘅感覺，
覺得其他事情都唔重要啦，
好想即刻飛去韓國見到彩瑛。」
如果說阿俊的追星事跡瘋狂，
應該沒有甚麼人會反對，
跟阿俊比起來，
Phoebe的經歷相對平淡。
她在微博開了一個EXO的站，
作為站長她需要定時更新明星的動態，
做圖、設計手幅在演唱會時免費派發，
「每年我都會用佢地嗰名去做慈善，
例如我鍾意Chen佢係9月21號生日嘅，
咁我每年9月21號都會捐921蚊，
去聯合國兒童基金會做善事。」
【另看】你不知道的男校5大魔力 畢業生：寧不出pool都要再讀
而比較瘋狂的是早兩年EXO演唱會時，
因為和學校考試撞了時間，
於是她隨便考完就去了看演唱會，
最後不合格而且要從頭讀過。
「依家諗返其實都後悔㗎，
因為報返考試要畀5千幾蚊，好貴！」
而最「青春」的一次，
就是為了接明星下午1時的飛機，
特意在大清早6時便到機場等，
等了6、7小時就為了看他1分鐘。
「都幾辛苦㗎，所以依家老啦唔得啦！」
追星的辛酸
追星要獻上時間、精神、金錢，
難到不辛苦嗎？
「辛苦，但係我鍾意呀。」
追星時無論天氣如何，
是負10度還是30多度也好、
不管人群有多擠擁、
要等幾個鐘甚至排通宵、
或者要捱麵包，身心疲憊，
但他們都覺得一切是十分值得的。
【演員血淚】入行10年沒人識？ 拍完場戲被製片話「冇預你食飯」
「見到一吓面其實已經好值得，
那怕見到一面只係好少嘅回報，
但個回報已經覺得係超越晒你嘅付出。」
阿俊認為追星得到的快樂和滿足感，
是其他事情無法媲美的。
「現實當中可能真係你付出嘅努力同辛苦，
到最後得到嘅回報未必成正比。
但追星係辛苦完真係有個回報係到，
依種成就感比較獨特。」
Phoebe都認為追星的確辛苦，
尤其是因為她是站長，
演唱會時要派發應援物，
所以由設計、製作、派發都要一手包辦，
應援物很多時都一箱箱又很重，
所以她笑說「追星嘅女仔都好大力！」
【另看】有一種孤獨叫創業 90後甜品師哭訴：羨慕別人有同事分享扶持
比起身體上的勞疲，
Phoebe覺得最傷心的是別人的指罵。
「聽得最多係畀人話腦殘飯呀，
即係為咗明星咩都唔理，
時間同錢都用晒喺佢哋到呀。」
阿俊也說最難聽被說過的有：
「好毒、好宅、好廢呀。」
總之在其他人的眼中，
他們所做的一切都是幼稚、
無意義和找不到價值。
辛苦值得嗎？
旁人聽罷可能會覺得，
既然又辛苦又要受「千夫所指」，
你可以選擇不追星呀，
這些不都是你們自己拿來的嗎？
但對於他們來說追星是一種興趣、
一樣他們比其他人更執著的事情。
「我覺得每人都有自己執著嘅嘢，
可能有啲人鍾意打波，
會拎時間金錢去練波、買貴波鞋，
而追星就係我哋比你哋執著嘅嘢囉。」
【另看】90後聽陳奕迅成長 骨灰級fans難忘握手：佢好用力好真誠
其他人未必能理解他們所說的：
「見到一面已經覺得好值得。」
在他們心中明星不只是明星，
而是一個陪伴自己成長的伙伴，
好像聽到他們的歌就感受到，
永遠會有個「朋友」在支持自己。
「始終聽到佢哋把聲，
你鍾意佢哋嘅話會有一種慰藉嘅感覺。」
「我之前為咗升學都好困擾啦，
聽咗首歌佢話唔開心嘅時候喊都無所謂，
攰嘅時候停一下先行呀。依啲歌都有共鳴嘅，
『哦都可以休息一下， 唔一定跑住咁行嘅。』」
Phobe說每次感到失落都會聽這首歌，
然後就會覺得放鬆了一點，
有能力可以繼續走下去。‵
在追星族的眼中，
明星其實更是個精神支柱。
【另看】何東精神就是dem cheers？ 5年宿生談閨蜜情：像回家的感覺
不是沒想過將來可能會後悔，
但起碼在這一刻，
他們仍然很享受這一切。
Phoebe認為其實追星這麼多年，
回頭看覺得即使沒有追星，
她也不會用那些時間來做很有貢獻的事。
我將我嘅青春獻比佢哋啦，但我有自己嘅屋企人、為咗自己嘅人生始終要努力去讀書。但係我青春嘅一部份，我覺得值得比佢哋囉。
我手臂位置紋咗Twice logo，但唔係話成個紋身就係為咗Twice，而係為我人生瘋狂嘅時候做紀念。大個咗10年、20年後，望返個紋身 都會記得我曾經都年少瘋狂過。