鄧麗欣40歲真樣疑曝光竟撞樣梁洛施　粉絲再PO另一張相竟有神逆轉

現年40歲的藝人鄧麗欣（Stephy）相隔16年後再次舉辦《STEPHY Therefore I Am》演唱會，全晚唱足近30首歌極有誠意，而6位前女團Cookies成員楊愛瑾（Miki）、吳雨霏（Kary）、區文詩（Angela）、陳素瑩（Gloria）及何綺玲（Elaine）均有現身，MIRROR成員盧瀚霆（Anson Lo）、呂爵安（Edan）及李駿傑（Jeremy）亦有睇騷，可見Stephy圈中人緣甚佳。

Stephy難得開騷，多位粉絲紛紛到後台打卡合照，Stephy也來者不拒超友善，但其中一張合照中，Stephy竟受到「死亡燈光」影響靚樣驚現炒車，同平時白白淨的Stephy相差甚遠！從照片可見，一盞黃色燈光打落去Stephy臉上，令到Stephy睇上去臉色泛黃，仲令法令紋相當突出，臉長長同梁洛施有幾分似樣。

但從另一張藝人蔡羨軒分享的合照可見，正常燈光下Stephy的臉同平時一樣白皙靚女，同樣是無濾鏡，兩張相效果卻相差甚遠，可見影相燈光影響甚大！