南極潮什麼｜梁芷珮使用暈浪貼後神智不清 眼睛失焦兼認錯大仔
撰文：林得懿
出版：更新：
梁芷珮同老公勇闖南極，二人要先乘搭近30小時飛機由香港去到阿根廷首都布宜
諾斯艾利斯。（影片截圖）
再轉搭內陸機到達世界最南端的城市烏斯懷亞，再乘搭極地探險船，穿過全世界最危險航道之一的德雷克海峽，才能到達南極。（影片截圖）
梁芷珮（Christy）日前開直播與觀眾分享《南極潮什麼》拍攝花絮，當中不少人對有「死亡海峽」之稱的德雷克海峽感到十分好奇，梁芷珮表示出發前都十分擔心暈船浪，又在髮型師推介下準備了暈浪貼。「臨近海峽之前貼咗兩粒喺耳背，然後臨瞓前都食咗半粒暈浪丸，之後起身當日全日好似傻咗咁，感覺好似直情係飲咗100杯威士忌。」她透露「暈浪」時，除咗同老公講聽日落船飲咖啡之外，又話要返香港食牛腩麵，但當時二人才剛剛登船。
為怕暈船浪，Christy使用暈浪貼，結果搞到神智不清。（影片截圖）
其後 ，梁芷珮與仔女視像通話時，更認錯大仔係大仔個同學，老公隨後查出暈浪貼會令人神智不清，即時將暈浪貼拆走，幸好梁芷珮在半小時後回復清醒。而仔女形容與她視像時，感覺她似飲醉酒，眼睛失焦。「我同專家團隊分享，佢哋話上一艘船團友同樣都係用量過咗，竟然除晒衫喺隻船周圍行。」梁芷珮表示探險船專家建議戴暈浪手帶，或者用最天然的方法：食白麵包、望遠方、盡量唔飲水，她之前帶團時都有使用以上方法，而暈浪貼只要適量地使用其實亦可。
不過Christy話老公都有用暈船貼，但未有神智不清，所以建議大家使用時要適量。