張致恒老婆雯雯轉型做KOL　有醫美公司欲打造索媽形象

張致恒（Steven）的老婆區燕雯（雯雯）連月在IG放負，一時轟老公「又廢又懶」，一時又話搬屋被拒租。為咗紓緩經濟壓力，雯雯3月時開設寵物食品店同童裝網店。

不過據知情人士透露，原來雯雯嘅另一個工作大計係準備做KOL，連月嚟有不少醫美廣告向她招手，一開始雯雯以「唔識娛樂圈嘢」為由，派出老公張致恒與對方洽談，其後改再雯雯親自接洽，表現極為進取積極。據知，除了已出街嘅中藥護膚品之外，亦有醫美公司與雯雯接洽，有意為她打造索媽形象，雖然雙方洽談過程順利，但廣告商似乎被雯雯連月來嘅放負嚇怕，所以一直未能成事。其實雯雯上月份享中藥護膚品硬照後，網民普遍表示支持，又大讚她靚女，如果佢真係要做KOL，似乎只要將負能量收起就可以了。