聲夢傳奇2｜中學生女團XiX兼顧學業、比賽 梁善知：屋企人有擔心
撰文：林迅景
出版：更新：
《聲夢傳奇2》一班學員昨日（20/8）出席商場活動唱Live，還撞正是XiX組合的劉芷君（Aster）生日。問到劉芷君（Aster）生日當天的活動時，她回答：「咪唱歌跳舞同做好啲，同埋我哋keep到一團火。」其他XiX團員則表示會有一個特別環節與她慶祝。
XiX組合年齡由13歲至15歲，同時兼顧學業和比賽會不會有壓力？劉芷君（Aster）回答：「屋企人好就我哋，畀好多時間我哋休息，好照顧我哋。莊殷玥（Vici）也說：「屋企人都會話學業為先，好支持我哋。」梁善知（Crystal）：「屋企人都會有少少擔心，但係大家喺呢個比賽之後就熟悉咗點樣分配時間。」