曾比特拍賀歲短劇喜感十足：屋企人肯爆炸頭影張全家福就正
撰文：洪曉璇
出版：更新：
曾比特（Mike）日前與Kerryta日前接拍賀歲廣告短劇「我不如…煮麵吔」，二人劇中打破年齡限制飾演「爺孫」，更不停穿越時空玩味十足。Mike劇中繼續爆炸頭上陣，雖然第一次拍劇，但Mike喜感十足，不時大放笑料：「這套短劇可謂集奇幻、驚喜、溫情、搞笑及俊男美女(講笑)於一身，最不容錯過的當然是我們三爺孫的爆炸頭！如果現實中我屋企人都可以陪我癲，一齊用呢個髮型影張全家幅咁就正啦！ 」
曾比特（Mike）接拍賀歲廣告短劇，雖然第一次拍劇，但Mike喜感十足，不時大放笑料。
劇中Mike飾演第三代傳人，但終日掛住打機荒廢家族生意，來自未來的「孫女」Kerryta協助Mike穿越回1933年的香港，最終品嚐到爺爺廚藝而改變初衷，積極投入工作：「 其實我煮嘢食就唔叻嘅，做音樂就叻啲！今次拍攝短劇真係好好玩，夾得好開心，希望過年期間播出，可以帶到歡樂比人，同我首新歌一樣 『新年快樂』」!
曾比特（Mike）與Kerryta劇中打破年齡限制飾演「爺孫」，更不停穿越時空玩味十足。
曾比特（Mike）笑指希望現實中屋企人都可以陪佢癲，一齊用呢個髮型影張全家福。