鐵拳英雄.劇評一|橋唔怕舊最緊要受 連場打戲似「邵氏武打」
撰文:林迅景
出版:更新:
無綫(TVB)劇集《鐵拳英雄》(前名:唐人街)第一至五集劇評
又係尋親?舊唔舊啲呀?的確,TVB劇套路不外乎是查案懸疑、喜劇、愛情、尋親這幾類,而近年劇集更會將以上幾種元素「炒埋一碟」,就好似茶餐廳的炒雜燴一樣什麼都有。
陳展鵬打得有功架。(《鐵拳英雄》截圖)
現正播出的《鐵拳英雄》也不例外,主軸為陳展鵬(飾步天下)和元秋(飾丁細鳳)到唐人街尋親搵因大火而失散多年的弟妹,再加插一些伸張正義、維護民族大義的橋段,又再加上主角由歡喜冤家變成情侶等幾條愛情線,最後不時加插喜劇元素,搞搞氣氛,就成為了整套戲的架構。你說是舊套路嗎?但是「橋唔怕舊,最緊要受」,雖然有人嫌老土,但大家仍是一邊鬧一邊睇,支持者一點也沒有受影響。
劉穎鏇點解成日做「被強姦」角色?(《鐵拳英雄》截圖)
葉蒨文真係大犧牲。(《鐵拳英雄》截圖)
橋係舊,不過《鐵拳英雄》就多了武打這個元素,不止是主角們陳展鵬、陳山聰、伍允龍等人操得一身橫練肌肉,就連配角楊證樺、元秋、陳國峰都有連場打戲,兼拳拳到肉。雖知除元秋、伍允龍等人,其餘演員陳展鵬、陳山聰、易宇航等都沒有武打底子,但「唔睇得都打得」更加不會「姐手姐腳」,眾人在熒幕上呈現出的,肯定能說服到觀眾,令人相信他們是真正的武林中人。光是這一點,就不其然令人聯想到昔日由一班龍虎武師、練家子建立起的「邵氏武打電視劇」招牌。
打得好睇。(《鐵拳英雄》截圖)
拳拳到肉。(《鐵拳英雄》截圖)
元秋姐打戲又係另一賣點。(《鐵拳英雄》截圖)
或者簡單點說,由第一日起《鐵拳英雄》已開宗明義推銷這是一套武打劇,而不是《唐人尋親記》也不是《鐵拳柔情》。觀眾的目標自然是睇打戲,尋求觀感上的刺激,而不是溫情、愛情。打得好睇就得啦!陳展鵬和元秋尋親成功與否重要嗎?
最後呢場戲精彩。(《鐵拳英雄》截圖)
易宇航打得好勁。(《鐵拳英雄》截圖)
鐵拳英雄|71歲「武打巨星」元秋再現 幾秒感情戲盡顯影后級演技鐵拳英雄|唐詩詠首做打女拳拳到肉 相隔三年眼神深邃愈大愈精緻鐵拳英雄|實力派王君馨效力TVB 14年上唔到位 仲要被小花搶風頭鐵拳英雄|王俊棠打鐵線拳勁好睇 網友錯重點:似睇緊老年版尚氣