與許廷鏗傳反目後首同場互當透明 胡鴻鈞：好難同佢交流
撰文：吳子生
出版：更新：
胡鴻鈞表示和許廷鏗在活動後台有打招呼。（梁碧玲攝）
昨日胡鴻鈞出席昂坪市集舉行的「2021年度叱咤樂壇流行榜頒獎典禮」記者會上，與傳疑因自己和蔡思貝拍拖，導致兄弟情不再，反目收場的許廷鏗首次同場，二人台前全程零交流，令不和傳聞甚囂塵上。
胡鴻鈞今日（9/11）現身天水圍流浮山出席無綫新劇《十月初五的月光》宣傳造勢活時，就此事接受《香港01》訪問。他說：「其實我哋喺後台已經打咗招呼，但出咗前台佢又做緊嘢，咁變咗真係好難同佢交流。加上之後我要趕拍MV，所以趕時間走，咁所以真係好唔明點解會係新聞。（好耐冇見你Post同佢合照！）其實我想講好耐冇同朋友食飯就真，因為又要做歌拍劇，真係冇時間。（係咪掛住拍拖?）哈哈！唔係呀！我連陪屋企人嘅時間都冇呀！（許廷鏗生日唔見你出席?）哈哈！唔答呀！」
胡鴻鈞今日出席劇集《十月初五的月光》宣傳活動。（梁碧玲攝）