梁競徽打滾娛圈二十年 升呢做名貴鐘錶店老闆 ：展開新一頁！
撰文：吳子生
出版：更新：
梁競徽今日（11/9）以老闆身份現身尖沙咀鐘錶新店開幕。提到升呢做老闆，競徽謙厚表示：「其實自己都喺呢個行都一段時間，而且身邊不論男或女都對鐘錶都有好大嘅需求，加上自己都好鍾意，咁所以同而家嘅股東一齊合作做生意。畢竟自己喺演藝圈度都有二十年，咁所以好想做其他嘢，展開自己新嘅一頁。（朋友嚟買錶有冇折扣？）其實佢哋嚟唔使講，我哋都會畀，最緊要隻錶佢哋係好鍾意先得，到時可以再傾吓。」
對於鐘錶店內專賣高級名錶動輒過百萬投資不菲，梁競徽笑言自己只係細股東：「呢啲生意投資額一定係好大啦，我自己估嘅比例係最小啦，所以我一定係多謝我啲partner俾機會我，可以去學吓嘢!」踏上做老闆行列，梁競徽更係滿肚大計，好更透露下一步將會投資餐廳：「上市就可能有啲遠啦，不過我哋想有更多投資啦，除鐘錶外，仲有一路進行緊做一個餐飲，會開一個餐廳，但最快都係應該出年３月。」睇嚟梁老闆真係好多計劃喎。
點擊睇靚錶：
+2