吳若希老公唔識影相花式自殺 嬲爆勁鬧：你對眼冇用㗎！
撰文：洪曉璇
出版：更新：
吳若希開設個人YouTube頻道。（影片截圖）
網上討論區經常有女士投訴另一半唔識影相，加上講嘢太直猶如花式自殺。吳若希不時於網上投訴老公Alex，早前趁情人節放低仔女去酒店Staycation，Jinny嘅vlog直擊老公如何花式自殺，嬲到佢話：「如果依家有把刀，我想即刻將你個頭劈開兩半﹗」
吳若希同老公Alex放低仔女去staycation。（影片截圖）
去到五星級酒店當然唔少得瘋狂影相打卡，Jinny一早問定職員有邊啲打卡熱點，如何窗台扮床影靚相。點知Alex由入房開始已經多次亂講嘢，叫老婆喺鏡頭前磅重，霸住打卡影相位瞓覺，最大件事係影到老婆又肥又錯焦點又唔避雜物，仲話「好可愛呀你都好耐無少女過啦」，激到Jinny話：「好炆呀！影到我好肥！如果依家有把刀，我想即刻將你個頭劈開兩半，因為你對眼冇用㗎，你成個人都冇用！」
吳若希老公Alex同廣大男士都犯同一個錯：唔識影相。（影片截圖）
點擊睇下吳若希老公如何花式自殺：
+34