【波士早晨】通訊群組開足3年仍然活躍　洪永城：仲會講早抖晚安

《波士早晨》作為一套倉底劇，其實風評也很不錯，大家亦都十分熱衷於睇返3年前演員的演技。《波士早晨》更是陳慧珊的TVB之作，所以就更顯得珍貴。其中網民關注的，一定係咁多位演員3年前的樣貌有什麼不同。

劇中飾演銷售部總監「康承宇」；李佳芯劇中情人的洪永城，接受《香港01》訪問時說：「有啲唔敢睇。不過都要睇嘅，睇返3年比較幼嫩啲嘅演技。我睇返之後，又係喎，好多時成長咗之後發覺，嗰陣時唔應該咁做。但係就回憶返一啲好開心嘅場面。其實我哋波士早晨個whatsapp group都好活躍嘅。你知有時啲group講幾句就會die，但係我哋會keep住幾個月就問候大家，約出嚟見面。朝早就good morning，夜晚就晚安咁。我哋個連繫係好close嘅，我覺得好難得。」

講起洪永城，除了電視劇之外，就一定少不必會諗起他與黃翠如合作主持的旅遊節目《走過浮華大地》。而最近就有傳洪永城與黃翠如的《走過浮華大地》將重新開拍。洪永城回應說：「有機會唧，都係安排中，未實嘅。（但係黃翠如最近多咗好多旅遊相喎。）未實嘅，都係傾咗少少唧，未透露得住。（但係今年黃翠如冇劇拍，會唁會係忙緊呢個節目？）佢應該有其他嘢做嘅。不過我就希望成事啦，其實有好多因素嘅，除咗我同佢嘅期，方向啦，sponsor，公司節目鋪排。」如果成事就好啦，因為大家都應該好期洪永城同黃翠如呢對黃金拍擋。