《Wanna One Go 2》邕聖祐密謀揸車逃跑　朴佑鎮自爆節目中大放屁

《Wanna One Go 2》第4集講到Wanna One 11名成員姜丹尼爾、朴志訓、李大輝、金在奐、邕聖祐、尹智聖、朴佑鎮、裴珍映、李大輝、HOTSHOT河成雲、NU'EST黃旼炫同賴冠霖辛苦工作之後再次返回ZERO．BASE做返個普通人，姜丹尼爾繼續係釜山探完媽媽再探恩師班主任，而尹智聖就去咗考車牌，可惜呢位大哥就因為考試嗰陣衝咗上路壆，直接取消資格啊！

而係ZERO．BASE嘅邕聖祐、金在奐、李大輝同朴佑鎮、河成雲、黃旼炫就分成兩隊，3對3進行戴住望遠鏡踢足球嘅比賽，而賴冠霖就做裁判以及保護一眾哥哥嘅安全。比賽過程中簡直係笑料百出，一開始朴佑鎮明明講好咗要賴冠霖提醒安全問題，到真係比賽嗰陣賴冠霖見到哥哥們聚集喺牆邊有危險出聲提醒時，竟然畀河成雲大叫：「喂！裁判！」即時搞到賴冠霖都忍唔住大叫伸冤：「頭先佑鎮哥哥明明就話咗有危險嗰時要提醒你哋！做咩！我都無做錯！」相信連Wanna One都未聽過咁大聲講韓文嘅賴冠霖，而一眾哥哥就因為賴冠霖可愛嘅韓文發音都忍唔坐大笑。

最後比賽由2:1嘅朴佑鎮、河成雲、黃旼炫隊贏出賽事，輸咗嘅邕聖祐、金在奐同李大輝就要出去買雪糕返嚟請大家食。而出發嗰陣邕聖祐就密謀想逃離ZERO．BASE，一買完就衝上車向不知明地方揸車走人，但最後都係畀節目組通過無線咪叫停，因為距離ZERO．BASE秘密房間仲有十多分鐘就會開，佢哋都係趁住開門時間之前返返去，就係咁邕聖祐第一次逃跑計劃宣告失敗！

《Wanna One Go 2》裴珍映笑李大輝鬧不和？　姜丹尼爾花生友上身

而最後食完烤肉玩層層疊時，Wanna One就訂咗輸嘅人要講一個秘密嘅規則。一啲都唔驚嘅朴佑鎮完全無諗過就用手指彈走其中一塊積木，但結果就更係冧晒輸咗啦！但朴佑鎮都好乖好守承諾咁拋開偶像包袱講自己嘅秘密，佢話：「呢個真係好重要嘅秘密，我頭先係廳到一路行嚟行去，用拖鞋整啲聲出嚟其實係我一直係到放屁…」現場又一係一陣陣嘅笑聲，尹智聖就讚呢個細佬「好可愛」！

Wanna One踢足球片段

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/