韓星南奎麗拍戲跌傷後腦來香港　忍痛除頸箍出席韓國十月文化節

拍過韓劇《49日》的女星南奎麗又嚟咗香港喇！今年5月先同張赫來過香港拍節目的南奎麗，今日再次來到香港出席韓國十月文化節2017活動《韓國國慶酒會》，南奎麗之所以會嚟到香港，其實係因為佢今日正式成為文化節嘅宣傳大使！

攝影：張穎倫

不過今日南奎麗一出場，動作似乎有點緩慢，感覺很不自在。記者問及時，南奎麗表示由於最近拍攝電影時，在動作場面中不慎後腦着地受傷！當時南奎麗被立刻被送入急症室，情況其實頗嚴重，原本今日也需要戴頸箍，一直又要打鎮痛劑。但因為要出席韓國文化節活動同接受訪問，南奎麗先除下頸箍見大家，而為咗避免傷勢惡化，訪問期間更需要坐低，真係睇見都心痛！

【Voice】張赫新劇玩血腥懸疑　拍檔李荷娜超強聽力屢破奇案

雖然負傷出席活動，但南奎麗依然十分專業，一盡宣傳大使責任，大讚韓國同香港文化，話自己以前因為工作、旅行都來過香港，對尖沙咀、蘭桂坊等地方都留下深刻印象，就好似為今日嚟到香港成為宣傳大使而做準備一樣！曾經是女團SeeYa門面的南奎麗，32歲依然非常美麗，更大讚香港男仔好有manner，成日微笑又細心，同木訥嘅韓國男仔好唔同！今年5月南奎麗同張赫亦嚟過香港拍節目，佢仲話同張赫講過要一齊再嚟，睇嚟真係好鍾意香港呀！

金所炫不續約SidusHQ傳自立門戶　官cafe親自否認：諗都未諗過！

問到對香港有咩特別印象？南奎麗就話去過一間食點心嘅米芝蓮餐廳，嗰度連茶都有特別嘅配搭，好似西餐廳揀紅酒一樣，覺得好特別！南奎麗又話自己好鍾意畫同相，去到李小龍博物館就特別喜歡，所以影咗好多相！唔單止香港文化，南奎麗仲好留意香港明星，佢話想同張曼玉、湯唯、章子怡合作，仲話想挑戰古裝戲同做打女，成為帥氣嘅女演員！不過南奎麗都要小心自己身體，唔好再受傷令粉絲擔心呀！

更多南奎麗出席香港《韓國國慶酒會》高清圖：

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/