森林女王丨何廣沛聲演狒狒展歌喉唱《越難越愛》：男仔嚟講有難度
撰文：張祖銘
出版：更新：
何廣沛今日（11日）出席《森林女王》記者會，並在台上分享聲演的趣事。他接受《香港01》：「我呢一隻狒狒（馬騮）同人嘅性格同人接近啲，佢就加咗啲《越難越愛》歌詞去唱。」他指需要特別去練歌開聲，並表示：「最近我收工收到好夜，狀態都唔係特別好，要唱吳若希嘅《越難越愛》，呢首女仔嘅歌對男仔嚟講係有啲難度，NG咗好多次監製都俾咗好多時間。」
兩套劇集存貨未播出
至於《金式森林》拍攝進度，他透露即將要在內地拍攝外景，並表示：「前兩日我哋去咗機場附近嘅地方就拍咗方氏珠寶嘅一個慈善晚會，我哋呢套劇劇情會搞好多大嘅Event。」他指現在還有兩套劇集存貨未播出，分別是《黑色月光》和《非常檢控觀》。
聽聞《新聞女王》 續集年底開工
被問到《新聞女王》 的電影版和續集進展，他坦言：「劇本就一定未有嘅，不過我哋所有嘅班底都好期待，喺電視劇或者電影版再見面，好似會係一次過拍晒，希望再拍多套好劇畀大家睇。」他指今次的角色有什麼變化也未確定，並表示：「聽聞好似係年底開工，我mark咗個時間，等有劇本先再話俾大家聽。」