翟威廉自揭「SP玩家」無影響幕前工作：本身真係一個學術性訪問
撰文：林得懿
出版：更新：
翟威廉話有同賴彥妤傾生意經。（葉志明攝）
賴彥妤（Vivienna）其工作坊今日開幕，翟威廉到場祝賀，他接受訪問時提到目前主要以清酒生意為主，但近年生意多少受到港人北上影響。「飲食難做，好直接就影響到酒嘅生意。」他又指幕前工作自離巢後，確有減少。「收入少咗我又無所謂，而家香港個個收入都少。」
翟威廉話當初訪問時，主要係講社會議題。（葉志明攝）
問到之前在訪問自揭有多位性伴侶一事，可對幕前工作有影響？翟威廉表示多年前曾公開自己嘅開放性關係。「導演搵你拍嘢，都係睇你處唔處到個角色。」而被讚「真漢子」，翟威廉即笑言當日訪問主要係講社會議題，當中因為提及年輕人開放式關係。「因為訪問嗰個唔係好知咩嚟，咁我用自己做例子講，出到嚟就係咁，但我都唔介意。其實本身真係一個學術性訪問。（有無因為咁而增加咗性伴侶？）呢個係秘密，哈哈！（有無多咗異性DM你？）出嚟社會工作咁多年，好多都識，唔使DM。」