麥美恩被指留言鬧爆何伯新何太仲搵《東張》：我冇指名道姓
撰文：吳子生
出版：更新：
自從《東張西望》報道了何伯與新何太忘年戀愛情故事後，二人立即成為城中熱話引發討論，兩公婆甚至在社交平台曬恩愛，直播時對著鏡頭大玩濕吻，行為令人咋舌，令不少網民紛紛留言鬧爆。就連麥恩都看不過眼在Threads抒留言：「佢兩公婆，仲搵《東張》，唔係啊化。」
主持及嘉賓大合照。（陳順禎攝）
麥美恩（Mayanne）今日（26/6）現身將軍澳電視城出席《奧運智·識·玩》節目錄影時，接受《香港01》訪問笑說：「其實我留言冇指名道姓嘅，不過我知網民係有好大反應嘅，而我覺得都幾好，可以互動，可以試吓用呢種方法去溝作為橋樑，因為我哋冇乜幾何可以分享吓啲時事嘅嘢。其實個社會同我做《Mayanne小喇叭》節目一樣，最緊要有話題啫，你試諗吓晚晚對住阿爸阿媽邊有咁多嘢講吖。變咗咪可以開住《東張》一齊講，咁其實我哋做司儀最開心就係見到呢啲現象，就係食飯有嘢講。」
Mayanne今日為《奧運智·識·玩》節目錄影。（陳順禎攝）