佘詩曼傳年收入破億　認財富自由冇袋想買轉買金條：好鬼重㗎原來

視后佘詩曼（阿佘）去年憑TVB劇集《新聞女王》再創演藝事業高峰，劇集、電影及廣告接不停，賺到盆滿缽滿，被推測年收入早已破億！日前，她就作客好友馬天佑的YouTube節目「MUSE TV」，分享6件對自己人生意義的奢侈單品，她更透露正準備搬屋。

節目中，佘詩曼分享了人生第一個Chanel手袋、首次奪視后時的戰衣、水晶鴨、LV唇膏盒子、jimmy choo高跟鞋和與木村拓哉同款的Rolex手錶，總值高達10萬以上。被馬天佑問道有冇一個想買但未買嘅袋，佘詩曼直言：「冇呀，已經買曬啦！」佘詩曼透露近年不太喜歡購物：「冇呀，因為我覺我好嘥錢，因為買咁多嘢其實都唔係用得好多。（你會唔會買啲鑽石、金？）我有啲金條，嗰次個朋友，佢哋係做金嘅，有兩條金條個Number我好鍾意，跟住我就買咗啦，好鬼重㗎原來，帶唔到嚟。（金價好高喎而家）升咗呀！升咗呀！」