李佳芯出席劇集煞科宴 身形暴瘦見骨惹人擔心︰瘦咗十幾磅
撰文：吳子生
出版：更新：
李佳芯（Ali)今晚（12/6）現身銅鑼灣出席無綫新劇《麻雀樂團》煞科宴，身形暴瘦見骨，惹來健康出現問題，令人擔心不已。Ali接受《香港01》訪問時表示：「其實我係第一次拍劇中流感，而且要病住咁開工，唔係淨係我一個染病，而係台前幕後嘅工作人員都一齊喺個廠度感染咗，所以大家都好辛苦。」
李佳芯暴瘦見骨，惹健康出問題。（陳順禎 攝）
Ali續說︰「而且大家病徵都係一樣，都係發燒唔退，加上又不停咳，成個人好攰。維持咗成3個星期，不停食藥撳住唔俾佢發燒，我係冇休息病住開工，咁所以唯有一齊咬實牙關捱過去。」
被問到現時體重多少？Ali表示：「我而家得返90幾磅，其實呢個磅數係我讀書嘅時候有過之後，出嚟做嘢之後我係未試過。（暴瘦前幾多磅？）我都有110磅，所以我都估唔到，原本見唔到肚臍，而家就見到肚臍啦。（現時有冇胃口？）我有胃口，我食到呀，我Keep住有食嘢，因為食嘢係好開心嘅一件事嚟。」
李佳芯今晚出席劇集《麻雀樂團》煞科宴。（陳順禎 攝）