【妖鈴鈴】君如執導新片首映　劉德華鄭秀文驚喜現身撐老友

吳君如執導的電影《妖鈴鈴》，今晚進行首映。電影拍攝時，君如已碌卡找來好友吳鎮宇及方中信演出，到配廣東話版，又有鄭中基、農夫、王菀之等人協力。估唔到去到首映晚都有驚喜，劉德華及鄭秀文分別現身，神秘撐場，令君如開心不已。
攝影︰梁碧玲

由吳君如執導及主演，吳鎮宇、方中信主演的《妖鈴鈴》，於今個星期五上畫，電影於今晚進行首映。電影發出採訪通告所見，已經人才濟濟星光熠熠，除了三位主角，還有負責配音的農夫、泰臣、周家怡等，但去到現場，意想不到地有神秘嘉賓撐場，原來就是劉德華及鄭秀文，非常驚喜。

劉德華不單止現身，仲帶埋一份畢業證書，以劉德華博士身份頒發予君如，以證她夠資格做導演，而《妖鈴鈴》更是她的畢業作。至於鄭秀文，亦都突然現身，仲拎埋個鈴鈴幫手宣傳，唔話得。