【颱風山竹】肉餅哥冬菇亭翻新半年被吹散　街坊鬧爆豆腐渣工程　

觀塘樂華邨的冬菇亭陪伴街坊成長，但在今年年初被領展逐一翻新，不過其中一個新冬菇亭重開不足半年，就被超強颱風山竹吹到牆壁全毀，掀起豆腐渣工程的疑雲。

當區區議員蘇冠聰向《香港01》指，今次遭到嚴重破壞的餐廳是肉餅哥小炒料理（樂華店）和撈得囍麵檔，開張不足半年，但一個颱風就吹至餐廳完全破爛。他更接獲不少街坊查詢，問此事是否和豆腐渣工程有關：「好多街坊問點解咁易爛？埋到去見到啲牆好薄，好奇怪。其實餐廳有兩邊，一邊做麵檔，另外一邊賣肉餅，肉餅嗰邊連個招牌都無埋。」

不過，蘇冠聰表示，此事和負責為冬菇亭翻新的領展無關：「有3間新餐廳，係得肉餅哥呢間爛。其實領展淨係整咗出面地下，佢租出新冬菇亭嘅時候，係無四邊牆身嘅，牆係餐廳自己整。今次吹爛晒，應該係嗰個承辦商有問題。」

記者致電肉餅哥餐廳，其市場部職員麥小姐回覆，老闆暫時不欲回應事件，他們將會不日在餐廳的facebook專頁傳達有關資訊。