港姐冠軍莊子璇將整賀年食物 豪言過年拜神唔使求姻緣：因為唔缺
撰文：吳子生
出版：更新：
港姐冠軍莊子璇今日（19/1）現身將軍澳電視城出席《新春保良迎金龍》節目錄影。每逢農曆新年都要經歷一年一度的家庭大掃除，莊子璇表示自己亦不例外：「我除咗清潔執屋之外，我哋屋企都興整賀年食物，會同媽咪一齊整餃子，連餃子嗰個皮我哋都係自己整嘅，雖然過程繁複，但都好開心。（新年會唔會祈福求姻緣？）唔需要求姻緣，因為唔缺。（唔缺？因為太多！）哈哈，唔係咁嘅意思，我係指我而家係以事業為重同學業為重，因為自己呢兩邊都搞唔掂，又點樣可以再去求姻緣呢？」