梅艷芳大哥梅啟明自稱被迫遷報警 梅媽孫仔：老人家都話好煩
撰文：黃欣華
出版：更新：
已故巨星梅艷芳的大哥梅啟明經常為金錢瓜葛鬧出新聞，就連梅媽覃美金早前都採取大義滅親態度，2月中時登報「割席」斷絕母子關係，因而爆出梅啟明更多的負面消息，兼且背妻包二奶。
相隔個半月後，梅啟明就忽然跪低向家人認錯，更承諾會好好照顧梅媽，話口未完事件又有新進展，他突然向TVB《娛樂新聞台》自稱被迫遷要報警處理：「我返緊工，媽媽就打俾我話間屋要交返俾人，我就奇怪啦，佢話要搬去第二度，但又唔知搬去邊。我上到嚟，又唔見咗啲紙皮盒，工人就話收埋喺房，但廳啲嘢又冇晒，於是我問媽媽，佢話唔知啲嘢俾人搬去邊，叫我報警，咁我咪報警囉。佢都唔知搬去邊，即係俾人擺佈啦。（你之後住邊度？）佢搬去邊我咪搬去邊，一路都跟住佢㗎啦，唔知點解今次受人擺佈。」他更透露自己為阿梅所建立的物品不翼而飛。
報警當日梅媽孫仔都在屋內，一向低調的他雖然唔願意上鏡，但都受訪講解來龍去脈，仲向記者展示同梅媽進行視像通話的狀況，表示現正在醫院休養的梅媽得到適當照顧。他更稱：「好煩，老人家都話好煩，老人家意思已經係各散東西。」
點撃下圖睇當日情況：
+5