吳若希再誕一子湊「好」字　星夢CEO何哲圖：恭喜佢哋！

因懷二胎而近月都停工的吳若希（Jinny），今日終於在社交網站向大家分享喜訊，宣布B仔出世，湊成一個「好」字，消息經星夢娛樂集團 The Voice Entertainment Group行政總裁何哲圖（Herman）證實。

早前Jinny跟大家分享孕期點滴，成功追仔的她指胎動相當誇張，經常令她徹夜難眠，臨近卸貨腰痛難忍，而且磅數比預期重要順產會有難度，Jinny不禁話：「唔使再問我會唔（會）再生。唔會呀﹗打死都唔會呀﹗仲想要就搵個二奶幫你生﹗」

據TVB娛樂新聞台指Jinny昨晚（2日）已入院待產，到今晨成功誕下第二胎湊成一個好字，之後更立即向Herman報喜，不過由於Jinny分娩之後太過疲累，Herman表示恭喜他們一家人之外暫時未有探望，亦希望大家給予空間Jinny好好休息，之後會再同大家分享喜悅。