鍾嘉欣仔女輪住生日　靚媽一手一腳籌備派對慶祝

鍾嘉欣於二零一六年榮陞媽媽，成功三年抱兩，湊成「好」字。咁啱一對仔女都係8月出世，生日仲只係相差一日，每年都可以一齊慶祝。嘉欣呢日上載多張生日派對靚相，同大家分享派對實況。

嘉欣囡囡Kelly以及囝囝Jared，分別喺8月22同23號生日，呢次生日派對以藍白色系為主，兩個小主角各有一個生日蛋糕，絕無偏心相當公平。見到照片中嘉欣從後抱住囡囡KELLY，頭貼頭合照又一齊切蛋糕，另一張相就見到Jared坐喺DIY寫住「ONE」字嘅BB椅上，頭戴生日帽非常可愛。